Saudiya Arabistoning "Al Ahli" klubi sobiq bosh murabbiyi Sergey Rebrov Jidda shahri klubi bilan hamkorlikni to‘xtatgani borasida ma’lumot berdi.

"Meni iste’foga chiqarishganlari kutilmagan hol bo‘ldi, buni xunuk tarzda amalga oshirdilar. Shartnomam 1+1 ko‘rinishida bo‘lib iki tomon kelishuviga muvofiq uzaytirish mumkin edi. Klubnin yangi rahbarlari bilan gaplashgan edim, o‘z pozisiyamni aytgandim. Gap shundaki, futbolchilar va murabbiylar to‘rt oydan oshiqroq vaqt maosh olmayotgan edilar. Ammo biz oxirigacha chempionlik uchun kurashdik. Ba’zi o‘yinchilar mavsum oxirigacha amoada qolishlari uchun ularni ko‘ndirishimga to‘g‘ri keldi.

Bir yil ichida "Al Ahli"da uch marta prezident almashdi. Men bilan shartnomani uzaytirmoqchi bo‘lgan prezidentga shunday dedim: "Futbolchilar maoshlarini olmaguncha, bu mavzu haqida og‘iz ochmayman". Ular bu vaziyatni ushlab oldilar va OCHL 1/8 finalining ikkita o‘yini kutmay, qaror chiqardilar.

Bu mavzuni Ukraina OAV darrov yozib chiqishlari meni ajablantirdi, xuddi mening iste’fomni kutib turganday. Ikir-chikirlarni ham yoritish mumkin edi, ammo bizning murabbiylar hech qayerda ishlay olmasliklari haqida yozishdi. Saudiya Arabistonida bir mavsumni to‘liq o‘tkazish - oson emas. Buning uddasidan ikki yoki uch mutaxassis chiqdilar, xolos", - deydi Rebrov.