Саудия Арабистонинг "Ал Аҳли" клуби собиқ бош мураббийи Сергей Ребров Жидда шаҳри клуби билан ҳамкорликни тўхтатгани борасида маълумот берди.

"Мени истеъфога чиқаришганлари кутилмаган ҳол бўлди, буни хунук тарзда амалга оширдилар. Шартномам 1+1 кўринишида бўлиб ики томон келишувига мувофиқ узайтириш мумкин эди. Клубнин янги раҳбарлари билан гаплашган эдим, ўз позициямни айтгандим. Гап шундаки, футболчилар ва мураббийлар тўрт ойдан ошиқроқ вақт маош олмаётган эдилар. Аммо биз охиригача чемпионлик учун курашдик. Баъзи ўйинчилар мавсум охиригача амоада қолишлари учун уларни кўндиришимга тўғри келди.

Бир йил ичида "Ал Аҳли"да уч марта президент алмашди. Мен билан шартномани узайтирмоқчи бўлган президентга шундай дедим: "Футболчилар маошларини олмагунча, бу мавзу ҳақида оғиз очмайман". Улар бу вазиятни ушлаб олдилар ва ОЧЛ 1/8 финалининг иккита ўйини кутмай, қарор чиқардилар.

Бу мавзуни Украина ОАВ дарров ёзиб чиқишлари мени ажаблантирди, худди менинг истеъфомни кутиб тургандай. Икир-чикирларни ҳам ёритиш мумкин эди, аммо бизнинг мураббийлар ҳеч қаерда ишлай олмасликлари ҳақида ёзишди. Саудия Арабистонида бир мавсумни тўлиқ ўтказиш - осон эмас. Бунинг уддасидан икки ёки уч мутахассис чиқдилар, холос", - дейди Ребров.