“Buxoro” – “Qizilqum” uchrashuvidan so‘ng mezbonlar bosh murabbiyi Ulug‘bek Baqoyev bahs borasidagi fikirlarini bildirib o‘tdi.

-O‘zingiz guvohi bo‘lganingizdek bugun juda og‘ir o‘yin bo‘ldi. To‘g‘risini aytadigan bo‘lsam ikki ketma – ket o‘yinlarda yigitlar juda charchashdi. Biz buni o‘yindan oldin bilgan edik va yigitlarni ogohlantirgandik. Buni to‘g‘ri tushunish mumkin.

Biroq shunga qaramay, ular uchrashuvda oxirigacha kurashishdi. Shuning uchun g‘alabani ularniki deb ayta olaman va bugungi g‘alaba bilan “Buxoro” ishqibozlari va barchani tabriklayman.

Asilbek Amonov - To‘g‘risini aytsam, xursand bo‘lishni ham xafa bo‘lishni xam bilmayman. Chunki o‘zim navoiylikman shuning uchun qanaqadir boshqacha his tuyg‘ular bo‘ldi menda – deya kuladi.

Bugungi g‘alaba bilan barcha va barcha muxlislarimizni tabriklayman va Navoiyning ishqibozlariga ham jamoalarini qo‘llab–quvvatlash uchun kelganliklariga raxmat aytmoqchiman. Kelgusi uchrashuvlarda ularga omad tilayman.

“Buxoro” PFK matbuot xizmati