“Real” klubi bosh murabbiyi Zinedin Zidan  “Bavariya”ga qarshi bo‘lib o‘tadigan o‘yin haqida fikrlarini bildirib o‘tdi.

“Bavariya”dan qo‘rqmaymiz. Bunday o‘yinlarda qatnashish bizga yoqadi, uchrashuvga har taraflama tayyormiz. Xames Rodrigesga kelsak, uni jamoadan ketishini xohlamagan edim. Xames ko‘proq o‘yin amaliyotiga ega bo‘lishni istadi.

Lekin u bilan o‘rtamizda hech qanday kelishmovchilik bo‘lmagan. Xames bu o‘yinga yuqori ruhda tayyorlanganligi aniq. Undan syurprizlar kutyapman. Hozir, faqat Chempionlar ligasida g‘alaba qozonishni emas, “Bavariya”ga qarshi yaxshi o‘ynashni istaymiz.

Har qanday futbolchi bunday super uchrashuvlarda ishtirok etishni xohlaydi. Lekin, bu uchrashuvga 150 foizga tayyormiz deya olmayman,- deydi Zidan.

Eslatib o‘tamiz, "Bavariya" - "Real" uchrashuvi 25 aprel kuni Toshkent vaqti bilan 23:45 boshlanadi.