“Реал” клуби бош мураббийи Зинедин Зидан  “Бавария”га қарши бўлиб ўтадиган ўйин ҳақида фикрларини билдириб ўтди.

“Бавария”дан қўрқмаймиз. Бундай ўйинларда қатнашиш бизга ёқади, учрашувга ҳар тарафлама тайёрмиз. Хамес Родригесга келсак, уни жамоадан кетишини хоҳламаган эдим. Хамес кўпроқ ўйин амалиётига эга бўлишни истади.

Лекин у билан ўртамизда ҳеч қандай келишмовчилик бўлмаган. Хамес бу ўйинга юқори руҳда тайёрланганлиги аниқ. Ундан сюрпризлар кутяпман. Ҳозир, фақат Чемпионлар лигасида ғалаба қозонишни эмас, “Бавария”га қарши яхши ўйнашни истаймиз.

Ҳар қандай футболчи бундай супер учрашувларда иштирок этишни хоҳлайди. Лекин, бу учрашувга 150 фоизга тайёрмиз дея олмайман,- дейди Зидан.

Эслатиб ўтамиз, "Бавария" - "Реал" учрашуви 25 апрель куни Тошкент вақти билан 23:45 бошланади.