“So‘g‘diyona” – “Qo‘qon-1912” uchrashuvidan keyin o‘tkazilgan matbuot anjumanining birinchi qismida mehmonlar ustozi No‘’mon Hasanov va Javohir Sidiqovlar ishtirok etishdi.
- Mazkur o‘yinga yaxshi tayyorgarlik ko‘rgandik. Shunga yarasha o‘yin jangovor ruhda o‘tdi. Bugungi uchrashuvni yomon o‘tkazmadik. G‘alaba qozonishimiz kerak edi. Chunki, oldinda borayotgandik. Bugungi bahsdagi harakatlari uchun shogirdlarimga minnatdorchilik bildiraman. Ular bugun borlarini berib to‘p surishdi. Muxlislarimizga ham rahmat aytaman.
Javohir Sidiqov: Bugungi o‘yin shiddatli bo‘ldi. Muxlislar chiroyli o‘yin guvohiga aylanishdi. Har ikki jamoada ham g‘alaba qozonish uchun vaziyatlar bo‘ldi. Lekin ulardan foydalana olmadik. Mana to‘rtta o‘yindirki, durang o‘ynayapmiz. Keyingi uchrashuvni o‘z maydonimizda o‘tkazamiz.O‘sha o‘yinda g‘alaba qozonishga harakat qilamiz.
