Yevropa chempionlar ligasi yarimfinaliida "Roma" - "Liverpul" javob uchrashuvi arafasida har ikki klub vakillari, Rim polisiyasi va UYEFA rasmiylari o‘rtasida majlis bo‘lib o‘tdi.
Majlisda muxlislar o‘rtasida kelib chiqishi mumkin bo‘lgan janjallar masalasi ko‘rib chiqildi va qarorlar chiqarildi. Qarorlarning birida o‘yin arafasida ko‘chada spirtli ichimliklar sotish va tashish taqiqalandi. Taqiq barlarga tegishli bo‘lmay, futbol ishqibozlarining supermarketlarda arzon spirtli ichimliklar sotib olib, ko‘chada ichmasliklarini ta’minlash uchun qo‘yilgan.
Shuningdek, Rimda "Liverpul" ishqibozlari uchun maxsus zonalar yaratilib, ular ko‘p sonli polisiyachilar bilan qo‘riqlanadi. Mahalliy polisiya birinchi o‘yinda bo‘lgan voqealar takrorlanishidan xavfsiramoqda. Angliyada polisiya tartibsizlik natijasida ikki rimlikni hibsga olgan, to‘qnashuv natijasida "Liverpul"ning 53 yoshli ishqibozi og‘ir koma bilan shifoxonada yotibdi.
"Roma" - "Liverpul" o‘yini 2 may kuni "Olimpiko" stadionida bo‘lib o‘tadi. Birinchi o‘yinda "Liverpul" 5:2 hisobida g‘alaba qozongan.
