5 may kuni poytaxtimiz Toshkentda o‘zbekistonlik professional bokschilar ishtirokida jang oqshomi bo‘lib o‘tadi.
Kechaning markaziy jangi hamyurtimiz Azizbek Abdug‘ofurov ishtirokida bo‘ladi. O‘sha kuni bokschimiz vakant bo‘lib turgan WBC Silver kamari uchun rossiyalik Dmitriy Chudinovga qarshi jang qiladi.
Ma’lumot uchun, Azizbek professional ringdagi faoliyati davomida 10ta jang o‘tkazib, ularning barchasida g‘alaba qozongan (4tasida nokaut bilan). Tajribali Dmitriy Chudinov esa 25ta jangda qatnashgan va ularning 21tasida g‘alaba qozongan (13tasi nokaut bilan). 2ta jangda mag‘lubiyatga uchragan bo‘lsa, yana ikkita to‘qnashuvda durang qayd etgan.
Boks oqshomida shuningdek, Qudratillo Abduqahhorov, Jamshid Najmiddinov kabi taniqli bokschilarimiz ham ringga ko‘tariladilar.
Jang oqshomi dasturidan quyidagi to‘qnashuvlar o‘rin olgan:
Azizbek Abdug‘ofurov – Dmitriy Chudinov (Rossiya)
Qudratillo Abduqahhorov – Tvaxa Kiduku (Tanzaniya)
Jasur Ahmadjonov – Stevi Ongen Ferdinandus (Indoneziya)
Olimjon Nazarov – Xvicha Gigolashvili (Gruziya)
Jamshid Najmiddinov – Kaxa Avetisiani (Gruziya)
Ulug‘bek Sobirov – Jorji Ungiadze (Gruziya)
Anvar Turobov – Roy Muxlis (Indoneziya)
Janglar poytaxtimizdagi «O‘zbekiston» sport majmuasida o‘tkaziladi.
