Butunjahon boks seriyasi (WSB)ning sakkizinchi mavsumida ishtirok etayotgan «Uzbek Tigers» jamoasi uchun musobaqa yakuniga yetdi.

Guruh bosqichi yakuniga ko‘ra bokschilarimiz ikkinchi o‘rinni egallagandilar. Musobaqa rasmiy saytining xabar berishicha, endilikda turnir formatiga o‘zgartirish kiritilgan va faqatgina guruhda g‘olib bo‘lgan jamoalar bahslarni davom ettirishadi. Kuchli sakkizlikka kirgan jamoalar uchun esa musobaqa yakunlandi.

Unga ko‘ra «British Lionhearts» – «Astana Arlans» hamda «Fighting Roosters» – «Domadores de Cuba» jamoalari yarim final bosqichida kurash olib boradilar.

Dastlabki janglar 18-19 may, javob bellashuvlari esa 25-26 may kunlari o‘tkaziladi.