Бутунжаҳон бокс серияси (WSB)нинг саккизинчи мавсумида иштирок этаётган «Uzbek Tigers» жамоаси учун мусобақа якунига етди.
Гуруҳ босқичи якунига кўра боксчиларимиз иккинчи ўринни эгаллагандилар. Мусобақа расмий сайтининг хабар беришича, эндиликда турнир форматига ўзгартириш киритилган ва фақатгина гуруҳда ғолиб бўлган жамоалар баҳсларни давом эттиришади. Кучли саккизликка кирган жамоалар учун эса мусобақа якунланди.
Унга кўра «British Lionhearts» – «Astana Arlans» ҳамда «Fighting Roosters» – «Domadores de Cuba» жамоалари ярим финал босқичида кураш олиб борадилар.
Дастлабки жанглар 18-19 май, жавоб беллашувлари эса 25-26 май кунлари ўтказилади.
