Qatar va Yaponiya terma jamoalari 2019 yilda Braziyaliyada o‘tadigan Amerika kubogi musobaqasida qatnashadi.

Bu haqida Janubiy Amerika futbol konfederasiyasi (KONMEBOL) matbuot xizmati ma’lum qildi.

Bu termalarning taklif etilishi ushbu musobaqaga Osiyoda katta qiziqish borligi sabab bo‘lmoqda. Shuningdek, KONMEBOL dunyo futboli rivojiga o‘z hisssasini qo‘shmoqchi.

KONMEBOL bayrog‘i ostidagi Kopa Amerika (Amerika kubogi) musobaqasi 1916 yildan buyon o‘tkazilib kelinmoqda. 1993 yildan buyon musobaqada 12 terma amoa ishtirok etadi, konfederasiya doirasidagi 10ta terma jamoadan (Braziliya, Argentina, Urugvay, Chili, Peru, Ekvador, Kolumbiya, Venesuela, Paragvay, Boliviya) tashqari chetdan yana ikki terma amoa taklif etiladi, asosan KONKAKAF vakili. Ammo 1999 yilda Yaponiya terma jamoasi taklif etilgan. 2022 yilda Qatarda Jahon chempionati o‘tkaziladi.

Amerika kubogi Braziliyada 2019 yilning 14 iyunidan 7 iyuligacha bo‘lib o‘tadi. Musobaqaning amaldagi g‘olibi Chili termasi hisoblanadi.