«Real» bosh murabbiyi Zinedin Zidan jarohatlangan futbolchilar haqida ma’lumot berdi.
«Jarohatidan 2 kun o‘tgach, Ronalduning ahvoli yaxshi, u qiynalmasdan yurmoqda. Ammo uning so‘nggi turdan o‘rin olgan «Vilyarreal»ga qarshi o‘yingacha tiklanib olishiga ishonchim komil emas.
Biroq, barcha futbolchilar, shu jumladan Karvaxal va Isko Chempionlar Ligasi finalida ishtirok etishga 150% tayyor bo‘lishadi. Albatta, finalgacha kimdir jarohat olishi mumkin, buni oldindan aytish mushkul.
Kayfiyatimizni ko‘tarinki holda tutishimiz kerak, chunki Krishtianu jarohati jiddiy bo‘lib chiqmadi», — deb Zidan so‘zlarini keltirmoqda ESPN.
