«Реал» бош мураббийи Зинедин Зидан жароҳатланган футболчилар ҳақида маълумот берди.

«Жароҳатидан 2 кун ўтгач, Роналдунинг аҳволи яхши, у қийналмасдан юрмоқда. Аммо унинг сўнгги турдан ўрин олган «Вильярреал»га қарши ўйингача тикланиб олишига ишончим комил эмас. 

Бироқ, барча футболчилар, шу жумладан Карвахаль ва Иско Чемпионлар Лигаси финалида иштирок этишга 150% тайёр бўлишади. Албатта, финалгача кимдир жароҳат олиши мумкин, буни олдиндан айтиш мушкул.

Кайфиятимизни кўтаринки ҳолда тутишимиз керак, чунки Криштиану жароҳати жиддий бўлиб чиқмади», — деб Зидан сўзларини келтирмоқда ESPN.