Toshkent viloyati jamoalari 2008 yildan uzluksiz kuch sinashib kelishadi va u mamlakatimizdagi eng murosasiz derbilardan hisoblanadi. Buni qayd etilgan natijalardan ham bilib olish mumkin. O‘tgan davr mobaynida poytaxt viloyati vakillari bir birlariga qarshi 20 ta marta to‘qnash kelishgan. Kichik ustunlik “Olmaliq” jamoasi tomonida. Konchilar o‘tkazilgan o‘yinlarning 10 tasida zafar quchishgan bo‘lishsa, metallurglar 9 ta uchrashuvda muvaffaqiyat qozonishgan. Faqat 1 ta o‘yinda durang natija qayd etilgan. Kiritilgan va o‘tkazib yuborilgan to‘plar farqi 41:39, “Olmaliq” jamoasi foydasiga.
Mazkur jamoalarning to‘qnashuvida olmaliqlardan eng ko‘p gol kiritgan o‘yinchi Mo‘ydin Mamazulimov. Uning hisobida 6 ta gol bor. Bekobodliklar hujumchisi Zohid Abdullayev esa raqiblari darvozasini 5 marta ishg‘ol etgan.
O‘tgan yilgi mavsumning ikkinchi davrasida Bekobodda kechgan uchrashuvda maydon egalari 3:2 hisobida g‘alaba qozonishdi. Mezbonlardan Muhammadodil Qahramonov, Islombek Isoqjonov hamda Sirojiddin Allayevlar gol kiritishgan bo‘lishsa, olmaliqliklardan G‘ulomhaydar G‘ulomov va Vladislav Kosmininlar muvaffaqiyat qozonishgandi.
Bekoboddagi birinchi bahsda kuchlar teng kelgan, qolgan to‘qqizta uchrashuvda mezbonlar zafar quchishgan.
Ushbu jamoalarning Bekobodda kechgan o‘yinlari bilan tanishing:
13.11.2008 Metallurg – Olmaliq – 1:1
05.11.2009 Metallurg – Olmaliq – 3:2
24.04.2010 Metallurg – Olmaliq – 1:0
09.09.2011 Metallurg – Olmaliq – 4:3
04.09.2012 Metallurg – Olmaliq – 4:3
31.05.2013 Metallurg – Olmaliq – 2:1
03.08.2014 Metallurg – Olmaliq – 3:2
21.10.2015 Metallurg – Olmaliq – 4:2
18.08.2016 Metallurg – Olmaliq – 4:2
26.10.2017 Metallurg – Olmaliq – 3:2
