Angliya chempionatining qoldirilgan 31-tur doirasidan o‘rin olgan “Vest Xem” – “Manchester Yunayted” uchrashuvi 0:0 hisobi bilan yakunladi.

“Manchester Yunayted” garchi ochko yo‘qotgan bo‘lsada, ushbu durangdan so‘ng APL yakuniga bir tur qolganda 78 ochko bilan 3-o‘rindagi “Tottenxem”dan 4 ochko yuqorilab ketdi va mavsumni 2-o‘rinda tugatadigan bo‘ldi.

Mazkur ko‘rsatkich “qizil iblislar”ning 2012/2013 yil mavsumidan beri qayd etgan eng yaxshi natijasi bo‘lib, o‘shanda “Yunayted” APL chempioniga aylangan edi.