Bugun, 14 may kuni “Nasaf” o‘z maydonida Pepsi Superliganing 12-tur uchrashuvini “Neftchi” jamoasiga qarshi o‘tkazadi. Uchrashuv “Markaziy” stadionda bo‘lib o‘tadi va soat 18:00da boshlanadi.
Bugun o‘yin oldidan har ikkala klub rasmiylari ishtirokida miting bo‘lib o‘tdi. Miting “Markaziy” stadionda tashkil etildi. Unda uchrashuvni o‘tkazish bo‘yicha bir qator tashkiliy masalalar muhokama qilindi.
Shuningdek jamoalar bugun qanday liboslarda maydonga tushishi ham aniq bo‘ldi.
Unga ko‘ra, “Nasaf” jamoasi bugun qizil rangli liboslarda maydonga tushadi. “Neftchi” jamoasi esa ko‘k liboslarda harakat qilishadi.
