“PSJ” hujumchisi Neymar Fransiyada mavsumning eng yaxshi futbolchisi deb topildi.
Braziliyalik futbolchi 3 oydan oshiqroq muddat jarohat tufayli maydonga tusha olmadi, ammo bu uning mukofotni qo‘lga kiritishiga to‘sqinlik qila olmadi.
Sovrinni Neymarga vatandoshi Ronaldo topshirdi.
Ma’lumot uchun, Neymar joriy mavsumda 20 ta o‘yinda 20 ta gol urdi va 16 ta golli uzatmani amalga oshirdi. Mavsumning eng yaxshi o‘yinchisi bo‘lish uchun u bilan birga jamoadoshlari Kavani, Mbappe va “Marsel” yarim himoyachisi Florian Toven ham kurash olib borgandi.
