"Manchester Siti" klubi va Germaniya terma jamoasi yarimhimoyachisi Ilkay Gundo‘g‘on Nermaniya futbol ittifoqi (DFB) rahbari Reynxarda Grindel tomonidan bildirilgan tanqidga munosabat bildirdi.
Nemis futboli rahbariga futbolchining Turkiya prezidenti Rejeb Erdo‘g‘on bilan uchrashgani yoqmagan edi.
"Nemis futbol ittifoqi vakillari bilan gaplashib olish uchun Dubaydagi ta’tilimni o‘z xohishimga ko‘ra, erta tugatdim. GFR federal prezidenti Frank-Valter Shtaynmer meni qabul qilganidan xursandman. U mening pozisiyani bilmoqchi bo‘ldi. Men unga Germaniyaga sodiqligimni aytdim, terma jamoa uchun har narsaga tayyorligimni bildirdim. Ammo mening oilamda turk qoni bor. To‘g‘risini aytsam, ota-onamning bobolarim va momolarim yashayotgan tuproqqa bo‘lgan muhabbatini hurmat qilaman. Ota-onam uchun bu Gilzenkirxendan so‘ng ikkinchi uy.
Mening harakatlarimni tanqid qilganlarni tushunaman. Ammo ittifoq, mamlakat va futbol qadriyatlarini hurmat qilmaslikda ayblashlaridan qattiq ranjidim. Men Germaniya madhiyasini kuylaydigan fuqaroman. Mening bolalarim Germaniyada yashaydilar. Bu mamlakat mening oilamga shuncha imkoniyatlar yaratgan", - deydi Gundo‘g‘on.
