"Манчестер Сити" клуби ва Германия терма жамоаси яримҳимоячиси Илкай Гундўғон Нермания футбол иттифоқи (DFB) раҳбари Рейнхарда Гриндел томонидан билдирилган танқидга муносабат билдирди.
Немис футболи раҳбарига футболчининг Туркия президенти Режеб Эрдўғон билан учрашгани ёқмаган эди.
"Немис футбол иттифоқи вакиллари билан гаплашиб олиш учун Дубайдаги таътилимни ўз хоҳишимга кўра, эрта тугатдим. ГФР федерал президенти Франк-Вальтер Штайнмер мени қабул қилганидан хурсандман. У менинг позицияни билмоқчи бўлди. Мен унга Германияга содиқлигимни айтдим, терма жамоа учун ҳар нарсага тайёрлигимни билдирдим. Аммо менинг оиламда турк қони бор. Тўғрисини айтсам, ота-онамнинг боболарим ва момоларим яшаётган тупроққа бўлган муҳаббатини ҳурмат қиламан. Ота-онам учун бу Гильзенкирхендан сўнг иккинчи уй.
Менинг ҳаракатларимни танқид қилганларни тушунаман. Аммо иттифоқ, мамлакат ва футбол қадриятларини ҳурмат қилмасликда айблашларидан қаттиқ ранжидим. Мен Германия мадҳиясини куйлайдиган фуқароман. Менинг болаларим Германияда яшайдилар. Бу мамлакат менинг оиламга шунча имкониятлар яратган", - дейди Гундўғон.
