Bugun Turkiyadan O‘zbekistonga katta delegasiya tashrif buyurgani haqida xabar qilib o‘tdik. Ular poytaxtimizda diqqatga sazovor joylarni borib ko‘rishdi.
Shundan so‘ng, martabali mehmonlar Toshkent vokzalidan “Afrosiyob” tezyurar poyezidida Samarqand shahriga jo‘nab ketishdi. Mehmonlar bugun jahonga mashhur «Registon» maydonida o‘tkaziladigan kamondan o‘q otish sport turi bo‘yicha «Fotih kubogi» xalqaro turniriga bag‘ishlangan konferensiyada ishtirok etishadi.
Shuningdek, Samarqandga tashriflari davomida delegasiya a’zolari shaharning diqqatga sazovor joylari va tarixiy obidalarini ko‘zdan kechirishadi. Eslatib o‘tamiz, mehmonlarga O‘zbekiston Milliy olimpiya qo‘mitasi Prezidenti Umid Ahmadjonov hamda Jismoniy tarbiya va sport vaziri Shoakrom Isroilovlar hamrohlik qilishmoqda.