Pepsi Superliga 13-turi doirasida Namanganning “Navbahor” klubi o‘z maydonida Olmaliqning AGMK jamoasini qabul qiladi.
Mazkur o‘yin arafasida 24 may kuni “Navbahor” jamoasi bosh murabbiyi Ilhom Mo‘minjonov “lochinlar” o‘z uy uchrashuvlarini o‘tkazadigan “Markaziy” o‘yingohda jamoa futbolchilari uchun texnik - taktik uslub borasida bir soatlik nazariy mashg‘ulot o‘tkazdi.
Mashg‘ulot davomida Ilhom Ibrohimovich o‘z shogirdlariga raqib jamoaga qarab taktika tanlash, futbolchilarning chiziqlarda qanday harakat qilishlari lozimligi, raqib jamoa vakillari standart vaziyatlarni amalga oshirishayotgan paytda qanday tarzda himoyalanish hamda qay tariqa tezkor hujumga o‘tish qoidalari borasida tushuntirish berdi.
