Braziliya futbol nuqtai nazaridan chin iste’dodlar makoni - bu isbot talab qilmaydigan tushuncha.
Karnavallariyu, quyoshli plyajlari bilan ham tanilgan mamlakat futbolida har yili yangi-yangi tug‘ma iqtidorlarning katta sahnaga chiqib, «Yangi Pele» yoxud «Yangi Ronaldo», «Yangi Ronaldinyo» kabi maqomlarni olishlari allaqachon tabiiy holga aylanib ulgurgan.
Oxirgi yillarda esa to‘p bilan muomala bobida yaqqol ko‘zga tashlanadiganlarni «Yangi Neymar» qabilida ta’riflashmoqda. Aytish joiz, bundaylar ko‘p...
RODRIGU («Santos»)
17 yoshli yigitcha «Santos»ning boshlang‘ich tarkibidan mustahkam joy olishga ulgurdi va asosiysi, o‘z harakatlari bilan muxlislarni hayrat ko‘chasiga yetaklamoqda.
E’tibor qarating, yosh hujumchining shartnomasida belgilangan tovon puli miqdori naq 50 million yevroga teng. Yana bir diqqatga sazovor tomoni, bundan 6 yil oldin sport kiyimlarini ishlab chiqarishga ixtisoslashgan mashhur kompaniyalardan biri 11 yoshli Rodriguning to‘p bilan ishlash mahoratiga tan berib, homiylik shartnomasi tuzgandi.
Naq 5 yilga! Aynan shu firma vaqtida Neymarni qanoti ostiga olib, adashmagandi. Farqi shuki, Braziliya futbolining bugungi bosh yulduzi o‘shanda 13 yoshda edi.
Ta’rif. Rodrigu atletik jihatdan o‘ta chaqqon, tezkor va o‘ta kuchli zarbaga ega. U «Santos»ning barcha yosh toifasidagi jamoalarida to‘p-urar bo‘lgan.
Fakt. Klub yosh hujumchi bilan ilk professional shartnoma tuzish chog‘i unga darhol 6 ming yevro miqdorida maosh belgiladi. Vaholanki, «Santos» odatda 16 yoshli futbolchiga 1000 yevrodan ko‘p maosh bermaydi.
Davi NOGEYRA («Santos»)
«Santos»ning yana bir umidli loyihasi - bu 9 yoshli Davi. U aynan shu yil sport kiyim-kechaklari yo‘nalishidagi firma bilan shaxsiy shartnoma tuzib, bu borada Neymardan ham, Rodrigudan ham o‘zib ketdi.
Davi avvaliga futzal bilan shug‘ullandi, endi esa katta futbolni mahv etish harakatini boshladi. Natijalari chakki emas - o‘rtacha hisobda aytganda, 1ta o‘yinda 1tadan ko‘p gol urmoqda.
Ta’rif. Nogeyra yetakchilik qobiliyatidan ham bebahra qolmagan. Deylik, hozirda o‘z yoshi toifasidagi jamoani maydonga sardor sifatida boshlab tushmoqda.
Fakt. Braziliya qonunchiligiga ko‘ra, klublarning 14 yoshdan kichik futbolchilar bilan rasman shartnoma tuzishi taqiqlanadi. Shuningdek, ularga maosh berish ham mumkin emas.
Lekin o‘smirlarga stipendiya belgilash yoki kunlik, haftalik xarajat uchun ma’lum miqdorda pul ajratish mumkin. Qisqasi, «Santos» Nogeyrani stipendiya shaklida rag‘batlantirib turibdi. E’tiborlisi, uning miqdori ayrimlar maoshinikidan ham ko‘p.
Estevao VILLIAN («Kruzeyro»)
10 yoshli Villian - «Kruzeyro»ning bosh yulduzchasi. U ham Nogeyra va Rodrigu kabi sport firmasi bilan shaxsiy shartnomaga ega. Qizig‘i, Estevao yaqinda ham o‘ziga munosib jamoa qidirayotgandi.
Yakunda ota-otasi yigitchani «Kruzeyro» ixtiyoriga berishni ma’qul ko‘rishdi. Chunki bu klub chin iste’dod uchun maxsus dastur tayyorladi, unda hammasi inobatga olingan - ovqatlanish tartibi, ruhiy va jismoniy tayyorgarlik, hattoki, uxlash me’yori ham.
Ta’rif. Villian hozir o‘zidan 3 yosh katta bolalar jamoasida to‘p surayotgan bo‘lsada, ular orasida yaqqol ajralib turibdi. Demakki, u voqealar rivojidan 3 yil oldinda. Qolaversa, Estevaoni maktabning futzal klubiga ham chorlashmoqda.
Fakt. «Kruzeyro» muxlislari bolakayning iqtidoriga shu qadar mahliyo bo‘lishdiki, ijtimoiy tarmoqlarda katta aksiyaga qo‘l urib, klubdan u bilan tezroq shartnoma tuzishni talab qilishmoqda.
Gabriel VIKTOR (klubsiz)
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
