Xabaringiz bor, shu kunlarda Qarshining "Nasaf" jamoasi atrofida turli xavotirli axborotlar oqimi tinmayapti. Achinarlisi shuki, bularning barchasi asoslidir.

Barchaga ma’lumki, "Nasaf" o‘zbek futbolining bayroqdor jamoalaridan biri sanaladi va bu jamoaning keyingi taqdiri butun mamlakat uchun qiziq. Shu boisdan O‘zbekiston Milliy Olimpiya qo‘mitasi prezidenti hamda O‘FA birinchi vise-prezidenti Umid Ahmadjonov klubni bu ahvoldan tez orada chiqib ketishiga yordam qo‘lini cho‘zmoqchi.

Voha.uz sayti xabar tarqatishicha, Umid Mahammadjanovich "Nasaf" klubi rahbariyatidan moliyaviy ahvol hamda homiy bilan o‘rtasidagi kelishuv bo‘yicha byudjet ajratilmagani haqida rasmiy bayonot olgan va bu hatni mamlakat rahbari - Shavkat Miromonovich Mirziyoyevga yetkazish istagini bildirgan.

Shu o‘rinda ta’kidlash joizki, Umid Ahmadjonov yurtboshimiz topshirig‘iga binoan o‘zbek futbolini rivojlantirish va saviyasini oshirish maqsadida erta-yu kech tinim bilmay izlanmoqda, shu bois, mana shunday harakatlar va o‘sish bosqichidagi o‘zbek futboli "Nasaf"dek gigantini yo‘qotishini istamayotgani turgan gap!

Shuningdek, Umid Mahammadjonovich "Neftchi" hamda "Bunyodkor" klublaridan ham shu mazmundagi bayonotlarni olgan.