Italiya terma jamoasi bosh murabbiyi Roberto Manchini Fransiya terma jamoasi bilan o‘rtoqlik uchrashuvida uchralgan mag‘lubiyatdan so‘ng (1:3) fikrlari bilan o‘rtoqlashdi.

"Bu o‘yin bizga tajriba oshirishda yordam berdi. Hech kim yutqazishni xush ko‘rmaydi, ammo hisobni 2:2 qilishimiz mumkin bo‘lgan vaziyatlar ham bo‘ldi.

O‘yin Saudiya Arabistoni bilan uchrashuvga qaraganda mutlaqo boshqacha kechdi. Futbolchilar o‘zlarini yaxshi tomondan ko‘rsatdilar. Debyutantlar ham yaxshi o‘ynadilar.

Albatta, hozir Fransiya va Italiya o‘rtasida farq bor. Shu ruhda davom etsak, bir yildan so‘ng ular darajasiga chiqamiz yoki yaqin kelamiz.

Afsuski, hozir Fransiya bizdan kuchli. Ularda o‘yinchilar tanlovi ko‘p. Biz ularga yaqinlashish uchun ishlashimiz, o‘rganishimiz zarur. Ammo biz to‘g‘ri yo‘ldamiz", - deydi Manchini.