Италия терма жамоаси бош мураббийи Роберто Манчини Франция терма жамоаси билан ўртоқлик учрашувида учралган мағлубиятдан сўнг (1:3) фикрлари билан ўртоқлашди.
"Бу ўйин бизга тажриба оширишда ёрдам берди. Ҳеч ким ютқазишни хуш кўрмайди, аммо ҳисобни 2:2 қилишимиз мумкин бўлган вазиятлар ҳам бўлди.
Ўйин Саудия Арабистони билан учрашувга қараганда мутлақо бошқача кечди. Футболчилар ўзларини яхши томондан кўрсатдилар. Дебютантлар ҳам яхши ўйнадилар.
Албатта, ҳозир Франция ва Италия ўртасида фарқ бор. Шу руҳда давом этсак, бир йилдан сўнг улар даражасига чиқамиз ёки яқин келамиз.
Афсуски, ҳозир Франция биздан кучли. Уларда ўйинчилар танлови кўп. Биз уларга яқинлашиш учун ишлашимиз, ўрганишимиз зарур. Аммо биз тўғри йўлдамиз", - дейди Манчини.
