FIFA tashkilotining ijtimoiy tarmoqdagi sahifasi 2026 yilgi jahon chempionati qayerda o‘tkazilishi haqida rasmiy ma’lumot berdi.

Unga ko‘ra, JCH-2026 musobaqasiga birdaniga uchta davlat — AQSH, Kanada va Meksika mezbonlik qiladi.

Ma’lumot uchun, JCH-2018 musobaqasi Rossiyada bo‘lib o‘tadi. JCH-2022 esa Qatarda o‘tkazilishi tasdiqlangan.

Qayd etib o‘tish lozimki, bungacha xech qachon uchta mamlakatda jahon chempionati o‘tkazilmagan. Mezbonlik uchun nomzodlarni tanlashda Yevropa va Osiyo mamlakatlaridan nomzodlar qabul qilinmagan. Chunki, yaqinda start oladigan Mundial Rossiyada, 2022 yilgi jahon birinchiligi esa Qatarda o‘tkaziladi.

Eslatib o‘tamiz, avvalroq O‘zbekiston Respublikasi Prezidenti Shavkat Mirziyoyev Rossiyada bo‘lib o‘tadigan JCH-2018 ochilish marosimida ishtirok etishi haqida xabar bergan edik.