Rossiya terma jamoasi bosh murabbiyi Stanislav Cherchesov Saudiya Arabistoniga qarshi bo‘lib o‘tgandan keyin matbuot anjumanida ishtirok etdi.

— Aytingchi, Sizga kim qo‘ng‘iroq qildi? (CHerchesov matbuot anjumani paytida zalni tark etgandi)
— Mamlakat rahbari qo‘ng‘iroq qilib, meni va futbolchilarni g‘alaba bilan tabrikladi.

— Dzagoyevning jarohati borasida yangilik bormi?
— U ertaga tibbiy ko‘rikdan o‘tadi va uning natijalarini kutamiz. Shundan so‘ng biror narsa deyish mumkin.

— Ushbu g‘alabadan keyin futbolchilar havolanib ketishidan xavotir olmaysizmi?
— Mutlaqo yo‘q. Qanday maqsad yo‘lida harakat qilayotganimizni aniq bilamiz. Bugun ertalab futbolchilar bilan suhbatda ta’kidlagandim: bugungi o‘yin bilan musobaqa yakunlanmaydi. O‘yin biz uchun muvaffaqiyatli chiqdi. Konfederasiyalar kubogidagi tajriba bizda bor. O‘shanda 2:0 hisobidagi g‘alaba bizga yetarli bo‘lmagandi. Biz yaxshi tayyorgarlik ko‘rdik. Bugungi o‘yin to‘g‘ri yo‘ldan ketayotganimizni ko‘rsatib berdi. Lekin keyingi o‘yinga tayyorgarlik ko‘rishimiz kerak. Ertaga Misr terma jamoasining o‘yinini ko‘ramiz va tayyorgarlikni davom ettiramiz. Muhammad Saloh o‘ynaydimi yoki yo‘qmi, bilmadim, ammo raqib jamoa tarkibi saviyali futbolchilardan tashkil topgan.

— Uchinchi goldan keyin hissiyotlaringizni ko‘proq namoyish qildingiz. Sizni jiddiy qiyofada ko‘rib o‘rganib qolgandik.
— Kecha, o‘tgan kuni, bugun va bundan keyin meni borimcha ko‘rasiz. Ishim shunaqa: ba’zida muxlislarga quvonch ulashamiz, ba’zida yo‘q. O‘z futbolchilarimga ishonaman va ular bilan ishlash menga maroq bag‘ishlaydi.

— Raqib jamoa murabbiyi Rossiya uni hayron qoldirmaganini ta’kidladi.
— U qisman haq. U nimani nazarda tutganini tushundim. Biz avvalgidek pressing qildik, standartdan gol urdik. Lekin jipsroq, tartibliroq va tajovuzkor o‘ynadik.