Xabaringiz bor, Milliy olimpiya qo‘mitasi tashabbusi bilan mamlakatimizdagi istirohat bog‘larida sportning turli yo‘nalishlari bo‘yicha "Sport sayl"lari o‘tkazib kelinmoqda.
Aholini sportga qiziqtirish, ular orasida ommaviylikni oshirish maqsadida tashkil etilayotgan bunday tadbirlarning navbatdagisi poytaxtimizdagi G‘ofur G‘ulom bog‘ida bo‘lib o‘tdi. Unda "Jar" sport klubi vakillari ko‘rgazmali chiqishlari bilan yig‘ilganlarni xursand qildilar, master-klasslar namoysh etishdi. Shuningdek, muxlislarda mutaxassislar bilan suhbatlashish imkoniyati ham bo‘ldi.
Bunday sayllar hali ko‘plab sport federasiyalari tomonidan o‘tkazilishi rejalashtirilgan. Ularda viloyat terma jamoalari ham faol ishtirok etishlari ko‘zda tutilgan.
