Oltinvodiy.uz sayti O‘zbekiston miiliy terma jamoasi bosh murabbiyi vazifasiga kim kelishini taxmin qildi.

O‘zbekiston futbol muxlislari Rossiyada davom etayotgan Jahon chempionatining yakunlanishini sabrsizlik bilan kutishayotgani turgan gap. Negaki, mundialdan keyin O‘zbekiston milliy terma jamoasi bosh murabbiyi nomi ma’lum bo‘ladi.

Xo‘sh, milliy terma jamoamizni kim boshqaradi, degan savolga ko‘pchilik portugaliyalik mutaxassis – Karlush Keyrush degan javobni berishsa ajab emas. Negaki, ayni damda Eron terma jamoasini boshqarayotgan murabbiyning terma jamoamizga kelishi haqidagi gap-so‘zlar yo‘q emas. Buning ustiga O‘FA 1-vise prezidenti Umid Ahmadjonov bosh murabbiy masalasida to‘xtalar ekan. Ushbu mutaxassis terma jamoasi bilan mundialda ishtirok etishini ta’kilagandi. Shundan keyin ko‘pchilik Umid Ahmadjonov aytgan murabbiy Karlush Keyrush degan to‘xtamga kelgandi.

Lekin bizda ikkinchi taxmin ham bor. Mundialdan so‘ng, terma jamoamiz boshqaruviga gollandiyalik Bert van Marveeyk kelishi ham mumkin. Ushbu mutaxassis Saudiya Arabistoni terma jamoasi bilan Jahon chempionati yo‘llanmasini qo‘lga kiritdi. Keyinchalik arablar bilan orani ochiq qilgach, Avstraliya terma jamoasiga bosh murabbiy bo‘ldi.

Ma’lumotlarga qaraganda, Bert van Marveeyk “yashil qit’a” vakillari bilan Jahon chempionati yakuniga qadar shartnoma imzolagan ekan. Biz kutayotgan murabbiy Bert van Marveeyk bo‘lsa ajab emas.

Bundan tashqari, O‘FA xodimlarni bir necha oy oldin Keyrush haqida ma’lumotlarni qayerdan oldilaring degan javob qaytarishgan edi.

Xo‘sh kuzatishda davom etamiz. Terma jamoamizni kim boshqaradi?