Turkiyadagi yig‘in doirasida birinchi nazorat bellashuvida Ummon olimpiya terma jamoasi 4:0 hisobida tor-mor keltirildi.
Uchrashuvda to‘liq tashabbusga ega bo‘lgan "Paxtakor" raqibni yirik hisobda mag‘lubiyatga uchratdi. Birinchi bo‘lim oxirlarida Masharipov va Bezerra raqib darvozasini ishg‘ol qilishga erishdi. Jaloliddin to‘p raqibdan olib qo‘yilgach, gol urdi. Tiago esa Cheranning to‘p oshirishidan unumli foydalandi.
Ikkinchi bo‘limda boshqa tarkib maydonga tushirildi. Iskanderov va Hakimov qisqa vaqt oralig‘ida hisobni 4:0 ko‘rinshiga keltirishdi. Ularga har ikki vaziyatda Masharipov to‘pni aniq yetkazib bergandi.
Turkiya yig‘inida navbatdagi bellashuv 29 iyun kuni Eronning "Padideh" klubiga qarshi o‘tkaziladi.
"PAXTAKOR" - UMMON OLIMPIYA TERMA JAMOASI - 4:0 (2:0)
Gollar: Masharipov, 36 - 1:0. Bezerra, 44 - 2:0. Iskanderov, 54 - 3:0. Hakimov, 57 - 4:0.
"Paxtakor": Suyunov, Kozak, A’zamov, Simich, Shorahmedov, Ahmedov, Rahmatullayev, Masharipov, Cheran, Bezerra, Gonsalvesh.
Zaxiradan tushganlar: Lobanov, Sayfiyev, Krimes, Tojiyev, Salimov, Iskanderov, Ahmadov, Ibrohimov, Abdurahimov, Mahmudhojiyev, Hakimov.
