Germaniya terma jamosi yarim himoyachisi Yulian Brandt Janubiy Koreyaga qarshi o‘yindan so‘ng fikrlarini bildirib o‘tdi.

“Uchrashuvni ko‘p qismini zahira o‘rindig‘idan kuzatdim lekin, bu asosiysi emas. Asosiysi natija. Maydonga tushganimdan so‘ng qo‘limdan kelganini qildim ammo, gol o‘tkazib yuborganimizdan so‘ng hammasi murakkab holatga kelib qolganini tushundik. Levni ko‘rsatgan o‘yinimiz tufayli istefoga chiqarishlari mumkinmi? Faqat murabbiy aybdor emas.

Biz bir jamoa bo‘lib Konfederasiyalar kubogini qo‘lga kiritdik, saralash bosqichini ham ijobiy natija bilan yakunladik. Har bir futbolchi ushbu natijani o‘z bo‘yniga olishi kerak.

Jamoadagi muhit yaxshi edi.Albatta, Meksika va Shvesiyaga qarshi o‘yindan so‘ng jamoa sifatida biroz  kamchiliklar paydo bo‘lgani sezildi. Hammasini o‘zimiz murakkablashtirdik. Shvesiya bilan qarshi o‘yindan so‘ng hammasi yaxshi bo‘lishiga ishongandik. Bunday musobaqalarga kirishib ketish biroz murakkab lekin, ikkinchi o‘yindan so‘ng o‘zimizga kelib olishimiz kerak edi”, - deydi Brandt.