“Nasaf” bo‘lajak 16-turga qizg‘in tayyorgarlik ko‘rmoqda. Bugun qarshiliklar Toshkent shahriga jo‘nab ketdi.

Navbatdagi bahsga ayyorgarlik yuzasidan ertaga o‘rtoqlik uchrashuvi o‘tkaziladi. Sparring raqib - Bekobodning “Metallurg” jamoasi bo‘ladi.

Ushbu uchrashuv, ertaga 29 iyun juma kuni Qibraydagi stadionda, soat 18:30da boshlanadi.

Jamoaning OTJga chaqirilgan futbolchilari 30 iyun kuni yurtimizga qaytib kelishadi. “Nasaf” futbolchilariga ertaga bo‘ladigan o‘rtoqlik uchrashuvidan so‘ng 3 iyulga qadar tanaffus e’lon qilinadi. Shu kuni futbolchilarimiz Qarshidagi o‘z qarorgohida yig‘ilishadi va 16-tur uchrashuviga yana tayyorgarlikni davom ettirishadi.

Eslatib o‘tamiz, “Nasaf” ketma-ket ikkita uchrashuvni o‘z maydonida – “Markaziy” stadionimizda o‘tkazadi. Dastlab, 8 iyul yakshanba kuni 16-tur doirasida mehmonimiz – Namanganning “Navbahor” jamoasi bo‘lsa, 13 iyul chorshanba kuni 14-turning qoldirilgan uchrashuvida Navoiyning “Qizilqum” jamoasini qabul qiladi. Uchrashuvlar soat 21:00da boshlanishi belgilangan.