“Насаф” бўлажак 16-турга қизғин тайёргарлик кўрмоқда. Бугун қаршиликлар Тошкент шаҳрига жўнаб кетди.

Навбатдаги баҳсга айёргарлик юзасидан эртага ўртоқлик учрашуви ўтказилади. Спарринг рақиб - Бекободнинг “Металлург” жамоаси бўлади.

Ушбу учрашув, эртага 29 июн жума куни Қибрайдаги стадионда, соат 18:30да бошланади.

Жамоанинг ОТЖга чақирилган футболчилари 30 июн куни юртимизга қайтиб келишади. “Насаф” футболчиларига эртага бўладиган ўртоқлик учрашувидан сўнг 3 июлга қадар танаффус эълон қилинади. Шу куни футболчиларимиз Қаршидаги ўз қароргоҳида йиғилишади ва 16-тур учрашувига яна тайёргарликни давом эттиришади.

Эслатиб ўтамиз, “Насаф” кетма-кет иккита учрашувни ўз майдонида – “Марказий” стадионимизда ўтказади. Дастлаб, 8 июл якшанба куни 16-тур доирасида меҳмонимиз – Наманганнинг “Навбаҳор” жамоаси бўлса, 13 июл чоршанба куни 14-турнинг қолдирилган учрашувида Навоийнинг “Қизилқум” жамоасини қабул қилади. Учрашувлар соат 21:00да бошланиши белгиланган.