Argentina terma jamoasi bosh murabbiyi Xorxe Sampaoli Fransiyaga qarshi bo‘ladigan JCH-2018ning nimchorak final bahsi oldidan o‘z fikrlari bilan o‘rtoqlashdi.

«Ochig‘ini aytganda, asosiy tarkibda kim maydonga tushishini hali aniqlab olganim yo‘q. Argentinada variantlar ko‘p. Ixtiyorimizda ajoyib futbolchilar yig‘ilgan va barcha uchun eshiklar ochiq. Barcha narsani inobatga olish lozim, jumladan, futbolchilarning o‘rtacha yoshini ham. Ammo bu hal qiluvchi omil bo‘lmaydi. Biz o‘z imkoniyatlarimizga tayanamiz. Biz ruhiy jihatdan kuchlimiz. Maydonga ishonch bilan chiqamiz va g‘alabaga chanqoq ekanimizni namoyish qilamiz.

Raqibning o‘rtacha yoshi past ekanidan tashqari, fransuzlar safida buyuk futbolchilar bor. Biz professional ekanimiz haqida gapirdik. Professionallar esa bunday saviyadagi musobaqada to‘siqlarni yengib o‘ta oladi. Biz tayyorgarlik jarayoniga jiddiy yondashdik. Natijada kerakli konsepsiyani yaratishga muvaffaq bo‘ldik», – dedi Sampaoli.

Eslatib o‘tamiz, Argentina – Fransiya o‘yini 30 iyun kuni Qozon shahrida bo‘lib o‘tadi. Bahs Toshkent vaqti bilan 19:00da boshlanadi.