Kecha xabar qilganimizdek, “Nasaf” bugun Bekobodning “Metallurg” jamoasi bilan o‘rtoqlik uchrashuvi o‘tkazdi. Uchrashuvda "Nasaf" kichik 1:0 hisobida “Metallurg”dan ustun keldi. Uchrashuvdagi yagona golni G‘olib G‘aybullayev kiritdi.
Uchrashuv boshida jamoasi burchak to‘pi tepish huquqini qo‘lga kiritdi. Burchak to‘pini Sharof Muhitdinov amalga oshirdi. Hujumchilarga yordamga kelgan G‘olib G‘aybullayev boshi bilan to‘pni aniq darvozaga joylab qo‘ydi.
Eslatib o‘tamiz, bugungi uchrashuvda OTJga chaqirilgan futbolchilarimiz ishtirok etishgani yo‘q. Ular ertaga tongda Turkiyadan yurtimizga qaytib kelishadi va 3 iyul kunidan klub bazasida davom etadigan tayyorgarlik mashg‘ulotlariga qo‘shilishadi.
Quyida bugungi uchrashuvda maydonga tushgan "Nasaf" tarkibi bilan tanishing.
Nazorat uchrashuvi
“Metallurg” – “Nasaf” 0:1
29.06.2018. Qibray SM
Gol: G‘olib G‘aybullayev, 2’-0:1
“Nasaf”: Sanjar Quvvatov, Maqsud Karimov, G‘olib G‘aybullayev, Saydullo Rahmatov, Dilshod Saitov, Umarbek Eshmurodov, Akmal Mozgovoy, Sharof Muhitdinov, Bobir Davlatov, Islom Rashidxonov, Sherzod Temirov.
Zaxiradan maydonga tushganlar: Nikolay Abramov, Xudoyorxon Sagdullayev, Sardor Sa’dullayev, Mashhurjon Muhammadjonov.
E’tibor bergan bo‘lsangiz, jamoamiz ko‘rigida bitta yangi futbolchi bor. U Rossiyalik Nikolay Abramovdir, futbolchi jamoamiz mashg‘ulotlarida ishtirok etmoqda va bugungi uchrashuvda maydonga ham tushdi. Ushbu futbolchi jamoamizda qolish yoki qolmasligi hozircha aniq emas.
