Shuhrat Qoraboyev boshchiligidagi “Navbahor” yoshlar jamoasi 20-28 iyun kunlari viloyatimizning tog‘li hududi bo‘lgan Kosonsoyda o‘z o‘quv-mashg‘ulot yig‘inini o‘tkazdi.
Yosh “lochinlar” mazkur yig‘in davomida kuniga 2 mahaldan mashg‘ulotlar o‘tkazish bilan birga, 2ta o‘rtoqlik uchrashuvida ham maydonga tushishdi. Dastlab futbolchilarimizga Namangan viloyatining 2-liga vakili “Kosonsoy” jamoasi raqib bo‘ldi. Mazkur o‘yinda yoshlarimiz yirik – 8:0 hisobida g‘alaba qozonishdi. Gollarga Akmal Turg‘unboyev (5ta), Bilolxon Toshmirzayev (2ta) va Ahmad Mamadaliyev mualliflik qilishdi.
Ikkinchi bahs esa Andijon viloyatining 2-liga jamoalaridan tuzilgan terma jamoaga qarshi o‘tkazildi. Mazkur bahsda ham yosh “lochinlar” yirik hisobda g‘alaba qozonishdi – 4:1. Namanganliklarning gollariga Akmal Turg‘unboyev (2ta), Ahmad Mamadaliyev hamda Bilol Toshmirzayev mualliflik qilishdi.
Qisqasi, yoshlar jamoamizning Kosonsoydagi o‘quv-mashg‘ulot yig‘ini samarali tarzda yakunlandi.
“Navbahor” PFK matbuot xizmati.
