Sir emaski, bugungi kunda shaxsan mamlakatimiz rahbari Shavkat Miromonovich Mirziyoyevning tashabbusi bilan O‘zbekistonda sport eng quyi bo‘g‘indan boshlab rivojlantirilmoqda. Yurtimizdagi yuqori sport tashkilotlariga bu eng muhim vazifalardan biri sifatida belgilab berilgan.

Bu borada Milliy olimpiya qo‘mitasi bir qancha sport federasiyalari bilan birgalikda turli tadbirlar tashkil etib kelmoqda. Shuningdek, O‘zbekiston boks federasiyasi ham bu borada keng qamrovli ishlar olib bormoqda. Ana shunday tadbirlardan biri Yunusobod tumanida joylashgan 304 va 519-maktabgacha ta’lim muassasalarida yurtimizning yetakchi charm qo‘lqop ustalari Isroil Madrimov, Sanjar Tursunov, Mahmud Gaipov va Shunqor Abdurasulovlar ishtirokida o‘tkazildi. Unda boksimiz yulduzlari jajji bolajonlarimiz bilan uchrashishdi. Tadbir davomida ular maktabgacha ta’lim muassasalari tarbiyalanuvchilari bilan muloqotda bo‘lishdi va master-klass namoyish etib berishdi. Bolajonlar bokschilar ishtirokidagi mashqlarni maroq bilan tomosha qildilar.

Tadbir yakunida bokschilarimiz O‘zbekiston boks federasiyasi nomidan bolakaylarga esdalik sovg‘alarini topshirishdi.