Braziliya terma jamoasi bosh murabbiyi Tite JCH-2018 chorak finalida Belgiyadan uchralgan mag‘lubiyatdan so‘ng (2:1) fikrlari bilan o‘rtoqlashdi.
"Alohida o‘yinchilarni muhokama qilish noto‘g‘ri bo‘ladi, umumiy holatga e’tibor berish kerak. O‘yin chiroyli bo‘ldi. Biz to‘pni nazorat qildik, ammo Belgiya samaraliroq o‘ynadi, u vaziyatlarni golga aylantira oldi. Belgiya kuchli o‘ynamadi, u samarali o‘ynadi.
Omad yetishmadimi? Men unga ishonmayman. Neymarning zarbasini Kurtua qaytardi - bu nima, omadmi? Unga omad kulib boqdimi? Yo‘q, u shunchaki ajoiyb darvozabon, shuning uchun omad haqida gap bo‘lishi mumkin emas. Kimdir omad haqida gapirsa, bu kimningdir iqtidorini mensimaslik bo‘ladi. Ha, biz o‘yinning uchdan ikki qismini nazorat qildik, ammo raqibda juda sifatli o‘yinchilar bor edi", - deydi Tite.
