Xabar berib o‘tganimizdek, poytaxtimiz yana bir nufuzli musobaqaga mezbonlik qilmoqda.

Bugun, 7 iyul kuni poytaxtimizdagi «O‘zbekiston» sport majmuasida og‘ir atletika bo‘yicha yoshlar o‘rtasida jahon chempionati start oladi.

Ushbu nufuzli musobaqada jahonning 50 ga yaqin davlatidan 350 dan ortiq sportchi va murabbiylar, mutaxassislar ishtirok etadi.

Bungacha musobaqa doirasida bir qator tadbirlar tashkil etildi. Jumladan, Xalqaro og‘ir atletika federasiyasining ijroiya qo‘mitasi yig‘ilishi, shuningdek, navbatdagi Kongress ham tashkil etildi. Bugundan boshlab musobaqalarga rasman start beriladi. Unda ayollar o‘rtasida -48kg, erkaklar o‘rtasida esa -56kg vazn toifasida dastlabki sovrindorlar aniqlanadi.

Soat 15:00da jahon chempionatining ochilish marosimi bo‘lib o‘tadi.

Bahslar 14 iyulga qadar davom etadi.

Milliy olimpiya qo‘mitasi ushbu nufuzli musobaqada o‘zbek polvonlariga omad tilab qoladi.