Хабар бериб ўтганимиздек, пойтахтимиз яна бир нуфузли мусобақага мезбонлик қилмоқда.
Бугун, 7 июль куни пойтахтимиздаги «Ўзбекистон» спорт мажмуасида оғир атлетика бўйича ёшлар ўртасида жаҳон чемпионати старт олади.
Ушбу нуфузли мусобақада жаҳоннинг 50 га яқин давлатидан 350 дан ортиқ спортчи ва мураббийлар, мутахассислар иштирок этади.
Бунгача мусобақа доирасида бир қатор тадбирлар ташкил этилди. Жумладан, Халқаро оғир атлетика федерациясининг ижроия қўмитаси йиғилиши, шунингдек, навбатдаги Конгресс ҳам ташкил этилди. Бугундан бошлаб мусобақаларга расман старт берилади. Унда аёллар ўртасида -48кг, эркаклар ўртасида эса -56кг вазн тоифасида дастлабки совриндорлар аниқланади.
Соат 15:00да жаҳон чемпионатининг очилиш маросими бўлиб ўтади.
Баҳслар 14 июлга қадар давом этади.
Миллий олимпия қўмитаси ушбу нуфузли мусобақада ўзбек полвонларига омад тилаб қолади.
