Sir emaski, shu kunlarda barcha futbol muxlislarini O‘zbekiston milliy terma jamoasi bosh murabbiyi kim bo‘lishi qiziqtirmoqda. O‘FA 1-vise prezidenti Umid Ahmadjonov ushbu mutaxassis JCH-2018 ishtirokchisi boshqarmoqda, u Osiyo futbolini yaxshi tushunadi, qit’amizda ishlagan uning nomini Rossiyadagi mundialdan keyin e’lon qilamiz degandi.

Shundan keyin muxlis va mutaxassis bosh jamoamizni boshqarishi mumkin bo‘lgan murabbiylar borasida turli taxminlar yangramoqda. Ko‘pchilik portugaliyalik Kayrush Keyrushni kutayotgani rost. Biroq. Eronliklar ustozi allaqachon forsliklar bilan Osiyo Kubogi haqida o‘ylay boshlagani ma’lum qilindi.

Yana bir nomzod Bert Van Marveyk boshqarayotgan Avstraliya terma jamoasi guruh bosqichidayoq mundialni tark etdi. O‘FA rahbarlari esa jim.

Shundan kelib chiqib aytadigan bo‘lsak, terma jamoamizni boshqarishi kutilayotgan murabbiy o‘z jamoasi bilan Jahon chempionatidagi ishtirokini davom ettirmoqda.

Bizning taxminimzcha, ushbu mutaxassis Xorvatiya terma jamoasi ustozi Zlatko Dalich bo‘lishi mumkin. Xorvatiyalik murabbiy Osiyoda bir muddat ishlagan. Terma jamoasini mundialga olib chiqqan.

Voqealar rivojini kuzatishda davom etamiz.