Superliga 16-turidan o‘rin olgan AGMK – “Neftchi” uchrashuvi o‘z nihoyasiga yetdi. OKMK stadionida bo‘lib o‘tgan o‘yinda durang natija qayd etildi.
Uchrashuv maydon egalarining ustunligida boshlandi. 19-daqiqa o‘tib borayotgan bir vaqtda mehmonlar o‘z jarima maydonlari ichida qupollik ishlatishdi. Penaltini Yovan Jokich aniq bajarib jamoasini oldinga olib chiqdi.
Ikkinchi bo‘lim debyuti farg‘onaliklarga omadli keldi. 51-daqiqada Sherzod Hakimov jarima zarbasini aniq ijro etgan holda hisobni tenglashtirdi. Oradan ko‘p vaqt o‘tmay Murodbek Bobojonov olmaliqliklar himoyasidagi xatodan unumli foydalandi va “Neftchi”ni hisobda oldinga olib chiqdi.
87-daqiqada Zafar Polvonov AGMKni mag‘lubiyatdan qutqarib qolgan golga muallif bo‘ldi.
Pepsi Superliga
16-tur
AGMK – «Neftchi» 2:2 (1:0, 1:2)
Gollar: 1:0 – 19, penalti Jokich, 1:1 – 51 Hakimov, 1:2 – 53 Bobojonov, 2:2 – 87 Polvonov.
AGMK: Pavel Matyash, Xurshidbek Muxtorov (Azamat Isroilov, 56), Muzaffar Muzaffarov (G‘ulom Haydar G‘ulomov, 67), Zafar Polvonov, Shoxnazar Norbekov, Jasur Hasanov, Vladimir Bubanya, Vladislav Kasminin, Yovan Jokich, Jamshid Hasanov (Oybek Qilichev, 76), Alisher Samatov.
Neftchi: Muzaffar Abdullayev , Iskandar Shaykulov, Shukurali Po‘latov, Jalil Kimsanov (Dilyorbek Irmatov, 87), Murodbek Bobojonov, Abrorbek Ismoilov, Andrey Sidorov (Abduraxmon Abdulxaqov, 46), Avazbek O‘lmasaliyev, Xusniddin G‘ofurov, Sherzod Hakimov (Igor Taran, 67), Dostonbek Tursunov.
Ogohlantirishlar: Bubanya (23), Samatov (70), Kimsanov (74), Ermatov (90+1).
