Joriy mavsumda "Paxtakor"ning uy o‘yinlariga ishqibozlar tashrifi sezilarli darajada ortdi, deya ma’lumot beradi "sherlar" rasmiy sayti.
"Buxoro" bilan yakshanba kuni o‘tkazilgan bellashuvni stadiondan tomosha qilish uchun 7557 nafar muxlis kelgani e’tiborga molik. Issiq havo harorati sababli Superligadagi barcha stadionlarda muxlislar tashrifi kamaydi. Bu borada eng yaxshi natija "Paxtakor" stadionida kuzatildi.
"Paxtakor" uy o‘yinlariga o‘rtacha tashrif ushbu mavsum 14789 nafar ishqibozni tashkil qilmoqda. O‘tgan yili esa bu miqdor 4207 nafardan iborat bo‘lgandi. Bu borada o‘sish hozircha 3,5 baravarga yetgan (o‘tgan yilga nisbatan 351 foiz ko‘proq).
"Paxtakor" futbol klubi muxlislarga stadionda ko‘proq qulaylik yaratish maqsadida ishlashda davom etadi. Kelasi uy uchrashuvlarida ishqibozlar uchun sharoitlarni yaxshilashga yanada intilamiz. Muxlislarimizga minnatdorchilik bildirgan holda navbatdagi muhim o‘yinlarda ham "Paxtakor"ni qo‘llab-quvvatlashga chaqirib qolamiz. Stadionga keling va "Sherlar"ni olg‘a boshlang! Biz hamisha siz bilanmiz!", deyiladi xabarda.
2018 yilgi uy o‘yinlarida muxlislar tashrifi
"Paxtakor" - "So‘g‘diyona" 15026
"Paxtakor" – AGMK 12852
"Paxtakor" - "Neftchi" 12278
"Paxtakor" - "Qizilqum" 10241
"Paxtakor" - "Navbahor" 17465
"Paxtakor" - "Qo‘qon-1912" 16690
"Paxtakor" - "Bunyodkor" 23456
"Paxtakor" - "Buxoro" 7557
