Madridning “Real” klubi Krishtianu Ronalduning “Yuventus”ga o‘tganini tasdiqladi. “Yuventus” transfer uchun 112 million yevro to‘laydigan bo‘ldi.
“Real” Ronalduni “Manchester Yunayted”dan sotib olish uchun 2009 yil 93 million yevro to‘lagandi.
“Yuventus” to‘lagan pullar qayerga ketadi?
• 100 million “Real” oladi.
• 5 million futbolchini 12 yoshdan 23 yoshgacha o‘ynagan jamoalariga o‘tkaziladi. Bu FIFA tomonidan birdamlikning an’anaviy mexanizmi hisoblanadi.
• 7 million - tranzaksion xarajatlar, ya’ni bitimning bajarilishi bilan bog‘liq barcha xarajatlar uchun.
Ma’lumot o‘rnida, Ronaldu “Yuventus” bilan 4 yillik shartnomaga imzo chekdi. Uning yillik maoshi 31 million yevroni tashkil qiladi.
Ronaldu “Real”ga 2009 yil “Manchester Yunayted”dan kelgan edi va shuncha vaqt mobaynida 438 ta uchrashuvda maydonga tushib, 451 ta gol urdi.
Quyidagi videoda transfer tafsilotlari haqida batafsil ma’lumotga ega bo‘lish mumkin.
