Мадриднинг “Реал” клуби Криштиану Роналдунинг “Ювентус”га ўтганини тасдиқлади. “Ювентус” трансфер учун 112 миллион евро тўлайдиган бўлди.

“Реал” Роналдуни “Манчестер Юнайтед”дан сотиб олиш учун 2009 йил 93 миллион евро тўлаганди.

“Ювентус” тўлаган пуллар қаерга кетади?

• 100 миллион “Реал” олади.

• 5 миллион футболчини 12 ёшдан 23 ёшгача ўйнаган жамоаларига ўтказилади. Бу ФИФА томонидан бирдамликнинг анъанавий механизми ҳисобланади.

• 7 миллион - транзакцион харажатлар, яъни битимнинг бажарилиши билан боғлиқ барча харажатлар учун.

Маълумот ўрнида, Роналду “Ювентус” билан 4 йиллик шартномага имзо чекди. Унинг йиллик маоши 31 миллион еврони ташкил қилади.

Роналду “Реал”га 2009 йил “Манчестер Юнайтед”дан келган эди ва шунча вақт мобайнида 438 та учрашувда майдонга тушиб, 451 та гол урди.

Қуйидаги видеода трансфер тафсилотлари ҳақида батафсил маълумотга эга бўлиш мумкин.