14 iyul kuni Andijondagi “Sog‘lom avlod” o‘yingohida  avtosanoat tizimida faoliyat yurituvchi qo‘shma korxonalar o‘rtasidagi futbol musobaqasining ochilish marosimi bo‘lib o‘tdi.

Mazkur musobaqada vodiy viloyatlarida bir tarmoqda ish olib boruvchi  korxonalarning 12ta jamoasi ishtirok etmoqda.

Jamoalar musobaqada ikki guruhga bo‘lingan holda qatnashyapti. Bahslar  haftaning shanba va yakshanba kunlari “Sog‘lom Avlod” o‘yingohi, Bo‘ston dahasidagi BO‘FM hamda Sho‘rbulokdagi futbol akdemiyasining futbol maydonlarida bo‘lib o‘tishi rejalashtirilgan.

Ochilish marosimida so‘z olgan viloyat futbol assosiasiyasi birinchi vise-prezidenti Bekzodbek Karimov qatnashchilarga bahslarda omad tiladi.

Shundan so‘ng, maydonda “Uz Dong Yang Ko” va “Uz Koram Ko” jamoalari  kuch sinashtilar. Uchrashuvda “Uz Dong Yang Ko” jamoasi 4-0 hisobida g‘alaba qozondi.