Krishtianu Ronalduning «Yuventus» futbol klubiga o‘tishiga qarshi Italiyaning Melfi kommunasida FIAT zavodi ishchilari ish tashlash o‘tkazishi rejalashtirilayotgani haqida yozgan edik (FIAT’ning ham, "Yuventus"ning ham egasi bir); ishchilar: “Biz zo‘rg‘a kun ko‘rayotganimizda nega bir futbolchi uchun 100 million yevro sarflanishi kerak?!”, deb jig‘ibiyron bo‘lgandi. Xabar berishlaricha norozilik namoyishida 5 (besh) kishi qatnashibdi. Adashmadingiz — besh ming emas, atigi besh kishi qatnashibdi.
Avtozavod rasmiylari xursand: FIAT’ning Melfidagi fabrikasida 1700 kishi ishlasa, ish tashlash belgilangan kunlarda bor-yo‘g‘i besh kishigina ishga chiqmagan.
“Ish tashlash aksiyasi to‘liq muvaffaqiyatsizlikka uchradi”, deydi korxona rahbarlaridan biri. Umuman olganda, “Yuventus” Ronaldu familiyasi yozilgan futbolkalar savdosidan bir kunda 55 million yevro ishlab topgani ma’lum bo‘lgach, aksiya muvaffaqiyatsizlikka uchrashi aniq edi.
