Superliganing 17-turi doirasida o‘tgan "Qizilqum" - "Paxtakor" uchrashuvi nihoyasiga yetdi.
Dramatik kechgan o‘yinda poytaxtliklar so‘nggi daqiqalarda ikkita gol urib g‘alabani ilib ketdilar.
Birinchi bo‘limda hisob ochilmadi. 75-daqiqada himoyachilarning xatosidan foydalangan Ivan Nagayev boshi bilan zarba yo‘llab, mezbonlarni oldinga olib chiqdi.
90-daqiqada Jasur Yaxshiboyev himoyachidan o‘tib ketdi va hisobni tenglashtirdi. Asosiy vaqtga qshib berilgan daqiqalarning to‘rtinchisida toshketliklar burchak to‘pi tepish imkoniyatiga ega bo‘ldilar va standart bajarilganidan so‘ng Tiago Bezerra mehmonlarga g‘alaba keltirgan golni urdi.
Ushbu uchrashuvdan so‘ng, "Paxtakor" osko bilan Superliga jadvalidagi peshqadamlikni mustahkamladi - 39 ochko. "Qizilqum" esa 17 ochko bilan 9-o‘rinda qoldi.
Superliga, 17-tur
"Qizilqum" - "Paxtakor" 1:2 (0:0)
Gollar: Nagayev (75), Yaxshiboyev (90), Bezerra (90+4).
"Paxtakor": Suyunov, Kozak, Simich, A’zamov, Shorahmedov, Ahmedov, Rahmatullayev, Masharipov, Cheran, Bezerra, Gonsalvesh
"Qizilqum": Cheremisin, Boydullayev, Usmonov, Qambarov, Gevorkyan, Ubaydullayev, Jo‘rayev, Grigalashvili, Boymatov, Nagayev, Mustafoyev.
