Суперлиганинг 17-тури доирасида ўтган "Қизилқум" - "Пахтакор" учрашуви ниҳоясига етди.

Драматик кечган ўйинда пойтахтликлар сўнгги дақиқаларда иккита гол уриб ғалабани илиб кетдилар.

Биринчи бўлимда ҳисоб очилмади. 75-дақиқада ҳимоячиларнинг хатосидан фойдаланган Иван Нагаев боши билан зарба йўллаб, мезбонларни олдинга олиб чиқди.

90-дақиқада Жасур Яхшибоев ҳимоячидан ўтиб кетди ва ҳисобни тенглаштирди. Асосий вақтга қшиб берилган дақиқаларнинг тўртинчисида тошкетликлар бурчак тўпи тепиш имкониятига эга бўлдилар ва стандарт бажарилганидан сўнг Тиаго Безерра меҳмонларга ғалаба келтирган голни урди.

Ушбу учрашувдан сўнг, "Пахтакор" оско билан Суперлига жадвалидаги пешқадамликни мустаҳкамлади - 39 очко. "Қизилқум" эса 17 очко билан 9-ўринда қолди.

Суперлига, 17-тур
"Қизилқум" - "Пахтакор" 1:2 (0:0)
Голлар: Нагаев (75), Яхшибоев (90), Безерра (90+4).

"Пахтакор": Суюнов, Козак, Симич, Аъзамов, Шораҳмедов, Аҳмедов, Раҳматуллаев, Машарипов, Черан, Безерра, Гонсалвеш

"Қизилқум": Черемисин, Бойдуллаев, Усмонов, Қамбаров, Геворкян, Убайдуллаев, Жўраев, Григалашвили, Бойматов, Нагаев, Мустафоев.