Kecha superliga 17-turidan o‘rin olgan “Lokomotiv” – “Nasaf” jamoalari o‘rtasidagi uchrashuv bo‘lib o‘tdi.

Ushbu bahsda “temiryo‘lchilar” raqiblarini 3:1 hisobida mag‘lubiyatga uchratishdi. Qiziqarli kechgan o‘yindan so‘ng “Lokomotiv” klubi futbolchisi Sanjar Shoahmedov o‘z fikrlarini bildirib o‘tdi.

“Nasaf” jamoasiga qarshi juda ham qiyin uchrashuvni o‘tkazdik. Tezkor va qiziqarli o‘yin bo‘ldi. Biz 3 ochko olish uchun harakat qildik. Raqiblarimiz ham hujumkor o‘yin ko‘rsatdi, himoyaga yotib olgani yo‘q.

“Ajdarlar” hisobni tenglashtirgan vaziyatda himoyaga yotib olishi mumkin edi, ammo ular bunday qilmadi. Aksincha, bor e’tiborini hujumga qaratdi. “Nasaf” jamoasining maydonga tushgan tarkibi yetakchi futbolchilarning yo‘qligini bildirmadi”, - deydi Sanjar Shoahmedov.

Jahongir Sotvoldiyev yozib oldi